Hjólaleið í Mosfellsbæ

Þessi hjólaleið hefst við íþróttasvæði Varmá í Mosfellsbæ og býður upp á fjölbreytta og fallega ferð í gegnum bæinn. Frá upphafsstað er hjólað í átt að Álafosskvosinni sem er miðstöð lista og menningar í Mosfellsbær og er afar vinsæll viðkomustaður. Þaðan liggur leiðin áfram í átt að Reykjalundi, þar sem Reykjalundarvegi er fylgt og síðan beygt inn Reykjaveg. Þessi kafli er skjólgóður með gróskumikilli náttúru allt í kring. Síðan er beygt inn Skarhólabraut og henni fylgt að Vesturlandsvegi. Á þeirri leið er brekka sem fær hjartað til að slá aðeins hraðar. Við Vesturlandsveginn er farið í gegnum undirgöngin til þess að komast yfir götuna. Þaðan er hjólað í gegnum Hlíðahverfið, farið fram hjá Lágafellslaug og áfram í átt að golfvellinum. Áfram er hjólað meðfram golfvellinum og síðan er stígnum með Leiruvognum fylgt, þar sem útsýni og fjölbreytt fuglalíf taka á móti ferðalöngum. Að lokum liggur hjólastígurinn aftur að upphafsstað við íþróttasvæði Varmá.