Hlíðahringur í Heiðmörk

Hlíðahringur er um 10 km hringleið um fjölbreytt landslag Heiðmerkur. Leiðin liggur frá Maríuhellum að Vífilsstaðavatni, framhjá Grunnuvötnum, um Hjalla og áfram um Vífilsstaðahlíð. Á síðustu árum hefur leiðin verið endurbætt verulega og liggur nú að mestu um vel gerða göngustíga. Á leiðinni má njóta fjölbreyttrar náttúru og fallegs útsýnis yfir nágrennið.

Heiðmörk er í umsjón Skógræktarfélags Reykjavíkur sem eru frjáls félagasamtök. Nánari upplýsingar má finna á heidmork.is.