Umhverfis Helgafell í Hafnarfirði

Hlaupaleið hringinn í kringum Helgafell í Hafnarfirði, tignarlegan móbergsstapa sem rís 338 metra yfir sjávarmáli, en leiðin fer ekki upp á fjallið sjálft. Hlaupið hefst á bílastæðinu við Helgafell og farið eftir vel merktum stíg umhverfis fjallið. Slóðanum er fylgt áfram meðfram austur- og suðurhlið Helgafells þar til komið er aftur að upphafsstígnum. Undirlagið er fjölbreytt hraunlandslag; melar, klappir og helluhraun, og leiðin er fremur hlaupvæn með lítilli hækkun, um 70–90 metrum. Á leiðinni er gott útsýni um víðáttur Hafnarfjarðar, Helgafell og yfir hraunið í kring. Leiðin er um 8,3 km hringur og hentar flestum í sæmilegu formi. Svæðið er vatnsverndarsvæði og ber að ganga vel um. Bílastæði er við upphafsstað.