Esjuhlíðar

Útivistarsvæðin við Esjuna eru vinsæl og fjölsótt. Bæði er hægt að leggja á brattann og ganga þvert á Esjuhlíðar, í fjölbreyttu og fögru umhverfi. Milli Esjustofu og Kollafjarðará er nýleg tengileið, um 1850 metra löng. Leiðin liggur meðal annars um gamlan skóg og tengist stíg sem liggur um trjásafn rannsókarsviðs Lands og skóga á Mógilsá. Leiðin er tæpir tveir kílómetrar aðra leið, tæplega fjórir ef gengið er fram og til baka. Brýr eru yfir læki en á stöku stað er stígurinn nokkuð brattur. Hægt er að leggja á bílastæðinu neðan Þverfellshorn eða á bílastæðinu við Kollafjarðará.