Gunnhildur og Vífilstaðarhlíð

Vinsæl 6 km löng göngu- skokk- og hjólaleið sem hefst við bílastæðið við Vífilsstaðavatn. Gengið er eftir greinilegum stíg upp Vífilsstaðahlíð sem liggur að grjótvörðu sem kallast Gunnhildur. Leiðin upp er fjölfarin og allt umhverfis hana eru miklar breiður lúpínu. Frá vörðunni er gott útsýni yfir höfuðborgarsvæðið og tilvalið að staldra lítið eitt við og njóta þess. Haldið er áfram eftir stígnum þar til komið er að útsýnispalli en þar er stíg fylgt til hægri og haldið áfram í gegnum skóglendi uns komið er að línuvegi sem genginn er niður eftir. Tekin er hægri beygja þegar komið er niður brekkuna og Vífilsstaðahlíðinni fylgt alla leið aftur að bílastæðinu við Vífilsstaðavatn.