Hvaleyrarvatn

Hvaleyrarvatn og umhverfið þar í kring er einstaklega fallegt útivistarsvæði. Margar gönguleiðir eru á svæðinu sem er umlukið skógi og margskonar gróðri. Fjölmargir stígar liggja í nágrenni vatnsins sem tilvalið er að skoða og ganga um. Gaman er að koma með alla fjölskylduna og verja góðri stund í lautarferð í nágrenni vatnsins því góð aðstaða er á svæðinu til þess að gera sér glaðan dag. Göngustígurinn í kringum vatnið er um 2 km að lengd og ætti leiðin að vera flestum greiðfær. Á leiðinni eru bekkir þar sem hægt er að staldra við og hvíla sig og njóta friðsældarinnar og náttúrunnar.