Úlfarsfell frá Skarhólabraut

Gönguleiðin frá Skarhólabraut upp á Úlfarsfell er skemmtileg og fjölskylduvæn. Stígurinn er vel stikaður og skátarnir í Mosfellsbæ hafa komið fyrir um 250 tröppum í hlíðinni, sem gera gönguna greiðfærari og öruggari. Leiðin upp á topp Stórahnjúks er um 1,6 km að lengd og býður upp á stórbrotið útsýni í allar áttir. Á toppnum er tilvalið að setjast niður, njóta útsýnisins og virða fyrir sér landslagið. Þar hafa verið sett upp fjögur örnefnaskilti sem vísa í allar áttir og og geta veitt mögulegan innblástur fyrir næstu gönguferð. Sama leið er svo gengin niður aftur að bílastæðinu.