Skemmtilegur hjólahringur um Reykjavík þar sem hjólað er framhjá mörgum helstu kennileitum…
Mynd
Sveitarfélag
Laugardalur
Laugardalurinn er eitt meginútivistarsvæði Reykvíkinga enda er þar skjólgott og gróðursælt og vel skipulagðir göngu- og hjólastígar liggja um allt svæðið. Laugardalurinn er jafnframt höfuðmiðstöð íþróttaiðkunar í Reykjavík, þar eru Laugardalshöllin, Laugardalsvöllurinn, Laugardalslaugin og Skautahöll Reykjavíkur. Grasagarður Reykjavíkur er í Laugardal og þar er mikilvæg miðstöð garðyrkju og fræðslu til almennings um gróður og umhverfi. Garðurinn er unaðsreitur sem tugþúsundir heimsækja á sumrin. Fjölskyldu- og Húsdýragarðurinn í Laugardal er vinsæll meðal barna og fjölskyldufólks en þar má sjá íslensku húsdýrin og helstu villtu landspendýrin svo sem refi og hreindýr auk selanna sívinsælu. Í Laugardalnum er jarðhiti þótt heitar uppsprettur sjáist ekki lengur á yfirborðinu. Lindirnar voru áður nýttar til þvotta og eru þvottalaugarnar gömlu varðveittar sem merkar sögulegar minjar. Þar er hægt að skoða sig um og lesa um sögu lauganna af fræðsluskiltum. Þá er aðaltjaldstæði Reykjavíkur í Laugardal og dalurinn því vinsæll viðkomustaður ferðalanga.
Nánari upplýsingar
Tímabil
Tegund svæðis
Aðstaða / þjónusta
Salerni
Ruslatunnur
Drykkjarvatn
Hjólastígur
Göngustígar
Bílastæði
Rafhleðslustöð
Leiktæki / leikvöllur
Leiksvæði með vatni
Hundaleiksvæði
Fótboltavöllur
Körfuboltavöllur
Blakvöllur
Sundlaug
Frisbígolf
Ærslabelgur
Æfingatæki
Minigolf
Grillaðstaða
Borð og bekkir
Bekkir / aðstaða til hvíldar
Lýsing
Listaverk
Skrúðgarður
Veitingarstaður / kaffihús
Menning / saga
Menning / saga
https://reykjavik.is/laugardalurinn
Sund
Laugardalslaug
Aðrar upplýsingar
Samgöngur
Strætóstöðvar: Nordica /Laugardalshöll/ Orkuhúsið (leiðir 2-17-19) og Laugardalslaug/Laugarásvegur/Holtavegur/Glæsibær (leið 14).
